Los
raises Sefaradis en la melodia del imno nasional ATIKVA
por Sara Sufrin Barush
A las palavras
del imno nasional del estado de Israel Atikva, ke fueron eskritas
por Naftali Imber en 1878, adjusto Shmuel Choen una melodia ke fue
konosida komo melodia popular de kante de Romanianos Zinganos.
La muzisiena i investigadora Astrith Baltsan publiko un livro ke se
trata sovre el imno nasional ATIKVA .
Durante anyos investigo la muzisiena Baltsan los raises de muestro
imno
i deskuvrio de onde fue tomada la melodia, komo se dezvelopo el
teksto i en kualas sirkunstansias se dsesidio ke esta
kantiga
va ser muestro imno.
En una intervista a la television konto la sinyora Baltsan ke en
bushkando el orijin de la melodia topo demonstrasion ke es uma
melodia muy antigua de la orasion BIRKAT A TAL de los Sefaradis ke
sus palavras fueron eskritos en Espanyia por el Rabino Itshak Bar
Sheshet en 1400 ,antes de la eksplusion.
Despues de la eksplusion esta orasion i su melodia se fuyo kon los
eksplusados djudios a Mantova en la Italya, aya Salamone De Rosi un
kompozitor Djudio tomo la melodia i kompozo una kantiga kon el
nombre “Fugi Amore Miyo” ke fue muy popular duramte 150 anyos.
En 1750 arivo en la Italya el kopozitor famozo Wolfgang Amadeus
Mozart, el adabtos esta melodia para una de suya Variasion Para
Piano i la trusho a Viena.
La melodia fue arrodeada entre los paizes de la oriente Evropa i
vino a ser una de las melodias de un kante de Zinganos Romanianos.
Pasaron kaji sien anyos el kompozitor Bedrich Smetana tomo esta
melodia para su kreasion muzikala konosida – La Valtava/Moldava.
Esta melodia fue adoptada por munchos puevlos sin ke tengan ninguna
konosensia ke esta es bazada en la melodia Antigua de la orasion
BIRKAT A TAL de los Djudios Sefaradis.
El livro ke la muzisiena Astrith Baltsan publiko se yama “ATIKVA –
pasado, presente i foturo”, durante ocho anyos investigo la sinyora
Baltsan los raises de las palavras i de la melodia del imno Atikva i
publiko este livro ke vino a ser un ensruktor par los maestros de
eskolas, para ensenyar lesiones sovre el Zionizmo.
Este livro es un viaje en segito el imno de Israel, palavras i
melodia, de punta de vista istorika, literatura, sosiolojika i
folkloristika.
El livro enkluye dos diskos kon exemplos de las varias melodias i
sus fuentes, de la orasion djudia sefaradita asta el repertuar
klasiko.
Nota: La Dra. Astrith Baltsan, es
una renombrada académica israelí, graduada Cum Summa Laude en los
departamentos de Piano y Musicología de la Universidad de Tel Aviv,
es una eximia pianista internacionalmente aclamada.
kantiga
va ser muestro imno.