|
El Kal Zukfaris, Primer Muzeo Djudio de Turkia
por Zelda Ovadia Kon la kontribusion del Fondo del V Sentenario de Turkia, el kal de Zulfaris en el kuartier de Karakoy en Estambol fue avierto al ancho publiko komo el primer muzeo djudio de este paiz. Malgrado ke la data exakta de su konstruksion no es savida, ya es klaro ke este kal existia en 1671. A los prinsipios del siglo 19, el kal aktual fue fraguado sovre las bazas de la antigua sinagoga. En los anyos 1849, 1904 i 1968 fue reparado i restorado. Despues del anyo 1983 el no sirivio mas komo kal i kon la kontribusion de la famiya Kamhi i el plano del sr Naim Guleryuz el fue restorado i transformado en muzeo.
En la sala prinsipala del muzeo son ekpozados
aspektos diversos del patrimonio kultural de los djudios de Turkia:
sus konvivensia kon la komunidad muzulmana i la kontribusion i
enfluensa de estos djudios a la vida sosiala i politika del paiz. En
la parte etnografika de la Segun el prezidente del Fondo del V Sentenario i ombre de negosios Jak Kamhi, el muzeo de los djudios de Turkia esta aziendo sovresalir las altas valores del Imperio Otomona i de la Republika Turka i ekspozando la konvivensia de dos puevlos ke apartienes a una relijion i kultura diferentes, durante sienes de anyos en un mizmo piaz.
El Fondo de V Sentenario desidio en 1992, de
transformar el kal de Zulfrasi en muzeo komo un sinyo de apresiasion
de los djudios de Turkia al
El ex-prezidente de la komunidad djudia de Turkia Bension Pinto avia dicho ke el Muzeo de Zulfaris esta okupando desde agora un lugar muy importante al seno de numerozas famiyas djudias en Turkia, siendo ke el les aziendo akodrar sus pasado ansi ke aziendo konoser al mundo la istoria de los djudios de este paiz de un punto de vista mas diferente.
Munchos son los kales o iglesias, en el mundo ke
fueron transformados en muzeos, ma pokos son los ke tienen un tan
riko pasado. En muzeos de este djenero en Evropa, es ekspozada
jeneralmente la parte mas oskura de la istoria: duros atakos,
destruksion i odio.
A la seremonia de aviertura del muzeo Zulfaris, ke
es el primer a ser avierto en un paiz ke la mayoria de su povlasion
es muzulmana, avian partisipado reprezentantes de la armada turka,
politisianos, embasadores i reprezentes diplomatikos de diversos
paizes, el embasador de Israel en Ankara, ansi ke los shefes de la
komunidad djudia de Turkia i una muchidumbre de envitados.
|
ekspozision pueden ser vistos dokumentos, fotografias i objetos
atados a la paridura, sirkunsizion, ashugar, boda,i la visitmineto
de los djudios en el Imperio Otomano ansi ke diversos objetos ke
pasaron de una jenerasion a la otra komo ‘trezoros familiales.”