Buenos dias. Komo amanesites.???? Tengo oy una konseshika, no es spesial, ma puede ser te va plazer. Melda la fino alkavo.

Un dia retornando del Supermekado, vide un perro ke estava koriendo detras de mi. Vide ke tuvo una kadena, i me di konto ke tiene un patron. Me abolti unas kuantas vezes. El seguinte me. Komo estava enkargada kon mutchos paketos, i demesmo komo fue en adjile , en avriendo la puerte de entrada de mi kaza, me olvide del perro.

El dia seguinte, kuando me fue al lavoro, vide de muevo el periko ermoso i dulse asentado al lado de mi puerta. Kuando entri la tadre, el perriko viendome kamino kon mi, i entrimos enjuntos en el mupak. De su kadena supe ke se yama “Jimmy” , vide de sus ojos brilantes, et de su tripika redonda, ke tiene una kaza i ke lo aregalan ayi. Jimmy se atrivio de aserkarse de mi, yo le di unas kuantos dadikas sovre su kavaza i despues vino kon me en mi kamareta de etchar, kamino detras de me fina la sala, se metio en un kyoshe, se arondedo komo una pelota brunacho i se endormio. Despues de una ora se aserko de la puerta i yo lo dechi salir. La otra manana, el vino de muevo, me saludo kuando vine del lavoro, entro en mi kaza, topo su lugariko en el kyoshe i demuevo dormio sirka una ora. Esto se kontinuo unos kuyantos dias.

Me dezedi de akolgar una notizia en su yadran; “Kero topar ken es el patron de este maravioso i dulse perro, i preguntar si saven ke kaji tadre el perro suo viene a mi kaza para areposar se, para dormir.???”

Kuando de muevo el vino para dormir, el trucho una notizia en su yaka. “El bive en una kaza kon 4 kreatures, dos menos de 3 anyos i kere de vez en kuando dormer.

Me puedes aresivir i a mi en tu kaza????? “ A este punto me vino al tino ke el perro esta destinado para mi. Me diche, ke lo kero, kishe ke se keda kon me. Reushi.

I ansi se paso. El perro ofisiel topo un muevo patron.

Eya todo una marravia i en subito yo salia kada diya kaminar kon Jimmy. Me kontenti i el demesmo algre kontente.. Siempre venia ande mi, apozava su kavesika sobre mis pachas, me bezava en su maniera, sankyi me abrasava. Topi un ayaktash, un amigo.

Un diya salio solo korriendo. No lo topi i empesi a estramisirme. Subito resivi un telefon i despues topi un jandarmo i una persona, un monsieur, bien vestito delantre de mi puerta.

Me demandaron si tengo un perro- enregistrado kon en nombre “Jimmy”. Me avizaron devista de ir me ande un veterinario, pormodo ke el perro miyo aogo un chicko perriko. Me obligaron demesmo de meter lo en una karantina i embiyar lo a un entrenador. Kuando dezisaron de darmelo atras, me ekonmandaron de no deshar lo solo afuera, ke se kede solo en kaza. Entendi ke kerian ke lo trate komo un “Sakat”. Desde yo fue kontente de ver Jimmy a su tornada, ande mi, de ver komo aboltava sus orejas, komo me besava, komo se jugava kon mi, aksepti todo ke me rekomando el jandarmo.

Lo mas emportante ke kero dainda kontar vos, es ke un dia la persona bien vestita ke vino kon el jandarme a konyorar se de la muerta de su perriko, aparesio de muevo delandre de mi puerta, para informarse kualo paso kon Jimmy. Penso de demandarlo si se olvido del pedrimyento de su perro. Entremientes yo esto junto kon este ombre desde ke.
 

Publicado en “El Amanecer”